Су саласының мамандары Қытай еліне оқуға аттанды

Су саласының 30 маманы Қытайға екі апталық оқуға аттанды. Бұған дейін алғашқы 30 адам курсты аяқтап келді. Биыл 120 қазақстандық маман біліктілікті арттыру курсынан өтпек. Сала өкілдерінің айтуынша, қазақстандық мамандар Қытайдан басқа АҚШ, Франция және Жапонияға оқуға барған. Бүгінде басқа да мемлекеттермен келіссөздер жүргізіліп жатыр.

Нұрлан Алдамжаров, Су ресурстары және ирригация вице-министрі:

Су саласын дамытуға, біліктіліктерді арттыруға өте үлкен маңыз бөліп отыр. Ең басты мәселе сіздерді жіберіп жатқанымыз Қытай мемлекетінде қандай жаңа технологиялар бар су саласын дамытуға. Сіздердің бірінші міндеттеріңіз сол жердегі жаңа технологияларды көру, зерттеу. Оны Қазақстанда жаңа технологияны қалай ендіреміз.

Серік Жұмабек