Сенат Төрағасы Ұлттық ғарыш орталығының жұмысымен танысты

Сенат Төрағасы Мәулен Әшімбаев бастаған депутаттар Ұлттық ғарыш орталығындағы ғарыш аппараттарын шығаратын құрастыру-сынау кешенінің жұмысымен танысты. Цифрлық даму, инновациялар және аэроғарыш өнеркәсібі министрі Жаслан Мәдиев саланың дамуына қатысты атқарылып жатқан жұмыстар мен жоспарларды таныстырды. «Байқоңыр» ғарыш айлағының даму келешегі де сөз болды. Өз кезегінде Мәулен Әшімбаев ғарыш саласы ел егемендігі мен қауіпсіздігі үшін стратегиялық маңызы бар екенін айтып, бұл бағытта кадр даярлау, білім беру сапасын арттыру, ұлттық спутниктік бағдарламаны дамыту және жобаларды коммерцияландыру мәселелеріне ерекше көңіл бөлу қажеттігін атап өтті. 

Серік Жұмабек