Мүгедектігі бар 15 мыңдай адам жұмыспен қамтылды

Жыл басынан бері 14,9 мыңнан астам мүгедектігі бар адам жұмыспен қамтылды. Еңбек және халықты әлеуметтік қорғау министрлігінің мәліметінше елде аталған санаттағы 737,4 мың адам тіркелген, олардың 376,7 мыңы еңбекке қабілетті. Жұмыс істеп жүргендердің үлесі 108,9 мың адам. Ерекше қажеттіліктері бар азаматтар тұрақты және әлеуметтік жұмыс орындарына, жастар практикасына, қоғамдық жұмыстарға, сондай-ақ «Алғашқы жұмыс орны», «Күміс жас» және «Бастау Бизнес» жобалары бойынша жұмысқа орналастырылады. Бүгінде еліміз бойынша мүгедектігі бар адамдарға арналған 226 арнайы жұмыс орны бар. 

Серік Жұмабек