Атырау облысындағы кәсіптік колледжердің базасы жаңартылады

Атырау облысында 9 колледждің техникалық базасы жаңартылады. Бұл бастама биылғы жұмысшы мамандықтар жылы аясында жүзеге аспақ. Мәселен Махамбет ауданындағы көпбейінді ауылшаруашылық колледжінде студенттер заманауи жабдықталған сыныптарда білім алуда. Тіпті практиканы да осы жерден өтеді. Осы арқылы олар кәсіпорындарда бірден тәжірибеден өтіп, кейін сол жерде жұмысқа орналасуға мүмкіндік алады. Сонымен катар оқу орнында дуальды оқыту бағдарламасы жүзеге асуда. Студенттердің 60% тәжірибе, 40% білім беру ұйымында шыңдалып жатыр. Қазір мұнда 150-ге жуық студент білім алуда.

Әбілқайыр Сатыбалды, студент:

Бұл Ваз 21 автокөлігінің беріліс қорабы. Осыны шашып, кері құрап, ішіндегі детальдарын зерттеп жатырмыз. Ол болашақта права алғанда өз көлігімді өзім жөндеу үшін, өз нанымды өзім көруім үшін керек.

Шалқар Құспанғалиев, өндірістік оқыту шебері:

Кілт ұстап, мотор, коробкаларды шашып үйренеді. Техниканың былайша айтқанда дәмін татқызамыз. Жөндей алатындай маман шығуы керек қой. Сол үшін атсалысып жатырмыз.

Нұрсұлтан Нұрсейіт