Билл Гейтс алдағы 20 жылда 200 млрд доллар байлығын таратпақ

«Microsoft» компаниясының негізін қалаған Билл Гейтс өз байлығын алдағы 20 жылда қайырымдылыққа тарататынын хабарлады. Дәлірек айтсақ, 2045 жылға дейін ол 200 миллиард доллар ақшасын түрлі елдердің дамуы мен денсаулық сақтау саласына жұмсамақ. Өз сайтында мәлімдегендей, Гейтс өмірден өткеннен кейін бәз-біреулердің өзі туралы «бай болып өлді» деп айтқанын қаламайды екен. Сонымен қатар «BBC-ге» берген сұхбатында Билл Гейтс әлемнің ең бақуатты адамы Илон Маскті қатаң айыптады. Айтуынша, технологиялық миллиардер Трамп әкімшілігі аясында АҚШ-тың өзге мемлекеттерге көмегін қысқартып, жер шарындағы  кедей балаларды өлтіріп жатыр.

Арыстан Рысбек