Франция елшілігі қазақ жауынгерлердің рухына құрмет көрсетті

Соғыс жылдары Францияда партизан отрядтарының құрамында соғысқан қазақстандық жауынгерлердің рухына құрмет көрсетілді. Қанды қырғында 300-ге жуық отандасымыз Францияның Тулуза қаласы мен оның облысын азат етуге белсене қатысқан. Бүгін сол солдаттардың үшеуі, яғни Қабыш Омаров, Қадем Жұманиязов және Әшімбек Ыстыбаевтың отбасыларына ата-бабаларының жауынгерлік медальдарі тапсырылды. Ұрпақтары бұл күнді ұзақ күткенін әрі Жеңістің 80 жылдығында ерекше сый болғанын айтады.

Зәуір Жұманиязов, Қадем Жұманиязовтың ұлы:

Бүгін Франция елшілігі медаль беріп жатыр. Біз әкемізді ұзақ уақыт іздедік. Талай құжатын көтеріп, елшілікке хабарласып, Мәскеуге хат жаздық. Үндемеді, ешкім келмеді. Міне, бүгін - қуанышты күн. Ұрпақтары жиналып, Жеңіс күніне біздің Жұманиязов әулетіне, балаларына үлкен мейрам болды. Көп-көп рақмет.

Серік Жұмабек