Таразда әкімдік қызметкеріне пара ұсынғандар сотталды

Таразда тәркіленген темекіні саудаға салмақ болған екі азаматқа қатысты сот үкімі шықты. Контрабандалық тауардан табыс таппақ болғанның бірі 9, екіншісі 10 жылға сотталды.

Олар 1 млн темекі қорабын алу үшін қала әкімдігінің қаржы бөлімі басшысына 90 млн теңге беруге келіскен. Бір қызығы екі тараптың арасына мемлекеттік кірістер Департаментінің маманы делдал болады. Ал атқамінер қыруар қаржыны алатынын алдын ала құзырлы органға хабарлап қояды. Сөйтіп ақша ұсынғандардың үстінен түседі. Судья делдалды да 3 жылға бас бостандығынан айырды.

Данияр Әлімқұл