Трамп шетелдік фильмдерге 100 пайыз тариф енгізуді ұсынды

Президент Дональд Трамп АҚШ-та көрсетілетін барлық шетел фильміне 100 пайыздық баж салығын енгізуді ұсынды. Трамп бұл туралы «Truth Social» әлеуметтік желісінде жариялады. Ақ үй басшысының айтуынша, түрлі елдер Құрама штаттан режиссерлер мен киностудияларды алып кетуді көздейді. «Бұл ұлттық қауіпсіздікке нұқсан келтіреді»,-деген АҚШ президенті, елдің Сауда министрлігіне шетелдік фильмдерге тариф енгізуді тапсырды. Америкалық киноиндустрияға Трамптың тарифтері бірден кері әсерін тигізді. Атап айтсақ, Қытай Голливуд фильмдерін импорттауға шектеу қойып үлгерді. 

Арай Төлегенқызы