Жаңалықтарды Telegram арнамыздан оқыңыз!Астанада Отан қорғаушы күні мен Жеңістің 80 жылдығына арналған шеруге ауқымды дайындық басталды. Осыған байланысты ертеңнен бастап бірнеше көшедегі көлік қозғалысына уақытша шектеулер енгізіледі.
Ертең таңғы сағат 5-тен 6 жарымға дейін А-334 көшесі бойынша - Ақжол, Қошқарбаев, Момышұлы және Тәуелсіздік даңғылы арқылы әскери техника өтеді. Олар жаттығу орнына қарай бағыт алады. Осыдан кейін бірден сағат 6 жарымнан тура 8–ге дейін А-334 көшесі бойынша — Ақжол, Қошқарбаев, Аманжолов, Нәжімеденов бағыты арқылы парадтық жеке құрамды тасымалдау басталады. Қосымша, сағат таңғы 5-тен түскі бірге дейін Тәуелсіздік даңғылы жабылады, сондай-ақ Ақыртас, Қалдаяқов көшелерінде және Қошқарбаев даңғылында көлік қозғалысы шектеледі. Сағат 5-тен 14:00–ге дейін Қуанышбаев атындағы музыкалық-драма театрының алдындағы тұрақ жабық болады. Қуанышбаев, Нәжімеденов, Байтұрсынов және Нұрмағанбетов көшелерінде жеке құрамы бар автобустарды орналастыру үшін жол қозғалысы шектеліп, тұрақ орындары жабылады. Ал сағат 12:30–дан 14:00–ге дейін техника мен автобустар Нұрмағанбетов, Қошқарбаев, Ақжол және А-334 бағыты арқылы орналасу пунктіне кері қайтады.
Азамат Бейбітұлы
