Бельгияда қазақстандық ингуштар мерекемен құттықтады

«Қазақстан – әлемдегі жұмақ, ел халқының мейірімі сарқылмас бұлақ». Бельгияда тұратын байырғы қазақстандық ингуштар осылай дейді. Қазақстанды екінші Отаны санайтын олар бүгінгі мерекемен құттықтап, тілектерін жеткізді. Айтуларынша, ұлтаралық татулық пен толеранттылық – Қазақстандағы тұрақтылық пен дамудың басты кепілі. Бүгінде жаһанға үлгі болған осы құндылықты қадірлей білу керек. Ал, Қазақстан халқы Ассамблеясы қоғамдағы тұрақтылық пен келісімнің іргетасын нығайтуға онан әрі күш салуы тиіс-дейді байырғы отандастарымыз.

Магомед Тумгоев, Льеж қаласының тұрғыны, байырғы қазақстандық ингуш:

Қазақстан – менің Отаным. Соңғы кездері Қазақстанға қайта оралып, қалған өмірімді сонда өткізгім келіп жүр. Онда ешбір ұлтты алалаушылық жоқ. Бәрі тату. Ұлттар достықты сақтап, бейбітшіліктің қадірін біліп, Тәуелсіздікті көздің қарашығындай қорғауға міндетті. Біз соған тілекшіміз.

Нұрсұлу Қасым