Сарапшылар: Қазақстан көршілес елдермен ықпалдастықтың жаңа деңгейіне көтерілді

Кейінгі 6 жылда Қазақстан көршілес елдермен ықпалдастықтың жаңа деңгейіне көтерілді. Қолданбалы зерттеулер орталығының сарапшылары осылай дейді. Астанада өткен жиында еліміздің жетекші ғылыми институттары әлемдегі геосаяси өзгерістердің Қазақстандағы логистикалық инфрақұрылымға тигізер әсерін талқылады. Саясаттанушылардың айтуынша, әсіресе, халықаралық транзиттік бағыттарды дамытуға ерекше ден қойылып келеді. «Таяу жылдары да сауда-экономикалық байланысты нығайту үшін логистикалық инфрақұрылымды дамыта түсу керек. Бұл тұрғыда Президенттің Ұлттық құрылтайда айқындап берген бағыттарын ескеру маңызды» , - дейді сарапшылар.

Жанел Өтеулі