Елімізде жол апаттары 8 пайызға азайған

Елімізде автокөліктердің орташа жылдамдығын бақылау жүйесі енгізілгеннен кейін жолдағы апат 8 пайызға азайған. Сонымен қатар зардап шеккендер саны 29 пайызға төмендеген. Бұл жүйе 17 наурыздан бастап халықаралық және республикалық маңызы бар жолдарда жұмыс істеп тұр. Яғни камералар автожолдардың түзу учаскелеріне орнатылған, мұнда орташа жылдамдық жүріп өткен қашықтықтың жолға кеткен уақытқа қатынасы арқылы есептеледі. «ҚазАвтоЖол» компаниясы орташа жылдамдықты бақылау жүйесі кестеде көрсетілген жол учаскелерінде іске қосылғанын еске салды.

Азамат Бейбітұлы