Жаңалықтарды Telegram арнамыздан оқыңыз!Ақтөбе облысында медресе оқушылары дәнекерлеуші мамандығын игеріп жатыр. Бұл – жұмысшы мамандықтар жылы аясында жүзеге асып жатқан жоба.
Алға ауданының Бестамақ ауылындағы ұлттық және діни білім беру мекемесінің 23 шәкірті Техникалық колледжден арнайы курстан өтеді. Білім алушылар алдымен теориялық сабақта дәнекерлеу ісінің негізгі ережелері мен қауіпсіздік шараларымен танысады. Одан кейін металл конструкцияларды дәнекерлеуді үйренеді. Қысқа мерзімді курс маусым айына дейін жалғасады. Курс аяқталған соң білім алушыларға куәлік беріледі. Колледжде дәнекерлеу ісінен бөлек, тігінші, машина бөлшектерін құрастыру сияқты бірнеше жұмысшы мамандықтарын игеруге мүмкіндік бар.
Нағим Мұратбекұлы, медресе оқушысы:
Кішігірім темірлерді бір-біріне дәнекерлеп, пісіріп үйрендік. Осы жерге бірінші рет келдік. Оның алдында практиалық сабақ өткен. Медресемізге ағайымыз келіп, қай нәрсенің қалай болатынын көрсетіп кеткен.
Жақсыбек Кемал
