Жаңалықтарды Telegram арнамыздан оқыңыз!Парижде өткен XXXIII жазғы Олимпиада мен XVII жазғы Паралимпиада жеңімпаздары мен жүлдегерлеріне ақшалай сыйақы беру туралы қаулы қабылданды. Соған сай, Үкімет резервінен спортшылар мен олардың жеке және бас жаттықтырушыларына төлемдер берілді. Барлығы 49 спортшы мен 63 жаттықтырушыға сыйақы алды. 1-орынға - 250 мың, 2-орынға - 150 мың, 3-орынға – 75 мың, 4-орынға — 30 мың, 5-орынға – 10 мың, 6-орынға — 5 мың АҚШ доллары бөлінді. Сондай-ақ, Олимпиада мен Паралимпиада жеңімпаздары мен жүлдегерлеріне жергілікті атқарушы органдар тарапынан да қолдау көрсетіледі. Яғни әкімдіктер спортшыларға жергілікті коммуналдық тұрғын үй қорынан тегін пәтер ұсынады.
Ақниет Балтанова
