Жаңалықтарды Telegram арнамыздан оқыңыз!Парижде өткен XXXIII жазғы Олимпиада мен XVII жазғы Паралимпиада жеңімпаздары әрі жүлдегерлеріне ақшалай сыйақы беру туралы қаулы қабылданды. Оған сай Үкімет резервінен спортшылар мен олардың жеке және бас жаттықтырушыларына төлемдер берілді.
Барлығы 49 спортшы мен 63 жаттықтырушы сыйақы алды. 1-орынға 250 мың, 2-орынға 150 мың, 3-орынға 75 мың, 4-орынға 30 мың, 5-орынға 10 мың, 6-орынға 5 мың АҚШ доллары бөлінді.
Сондай-ақ Олимпиада мен Паралимпиада жеңімпаздары және жүлдегерлеріне жергілікті атқарушы органдар тарапынан да қолдау көрсетіледі. Яғни әкімдіктер спортшыларға жергілікті коммуналдық тұрғын үй қорынан тегін пәтер ұсынады.
Ақниет Балтанова
