Сарапшы: Жаңа кезеңге ұлттық бірегейлікті сақтай отырып, қадам басу керек

Қазақстан жаңа кезеңге ұлттық бірегейлікті сақтай отырып, қадам басуы керек. Астанада бас қосқан сарапшылар мен тарихшылар осылай деді. Жиында Президенттің Ұлттық құрылтайда жүктеген міндеттерді іске асыру жайы талқыланды. Мәжіліс депутаты Еркін Әбілдің айтуынша, бұл тұрғыда әуелі ғылыми тұжырымдама жасау керек. Өйткені қазір елімізде кейбір тарихи еңбектер еуропалық тұжырымдама негізінде жазылып жатыр. Бұл мәдениетіміз бен өркениетімізді тереңнен зерделеуге кедергі етіп қана қоймай, кей терминдердің орынсыз қолданылуына әкеледі дейді тарихшы.

Еркін Әбіл, Мәжіліс депутаты:

Мысалы, Арнольд Тойнбидің тұжырымдамасын алсаң, ол жерде көшпенділер артта қалған, дамымаған өркениет. Ондай теорияларды қолдансаң, ұлттық тарихты зерттей алмайсың. Өйткені Еуропаның термині оның бәрі.

Жанел Өтеулі