Bloomberg: Гарвард 1 млрд доллар тұратын активтерін сатпақшы

АҚШ-тың Гарвард университеті 1 млрд доллар болатын активтерін сату туралы келіссөз жүргізіп жатыр. Bloomberg агенттігінің хабарлауынша, мәселе оқу орнының жеке қорының акциялар портфелі төңірегінде болып отыр. Президент Дональд Трамп әкімшілігі элиталық білім ордасына мемлекеттен берілетін 2 млрд 300 млн доллар грантты тоқтатқан еді. Ақ үй басшысы Гарвардты саяси ұйым ретінде қарастыруды және оны салықтан босатылған университет мәртебесінен айыруды ұсынған. Трамп билікке келгелі ЖОО-ғы антисемитизммен күреске кірісті. Оған, әсіресе, Газа секторында соғыс басталғалы білім ордаларында Израильге қарсы шерулердің өтуі ұнамаған. 

Арай Төлегенқызы