АҚШ-та 300-ге жуық жолаушысы бар ұшақ өртке оранды

АҚШ-тың Флорида штатының Орландо қаласының халықаралық әуежайында жолаушылар ұшағы өртенді. Соңғы мәліметке қарағанда, Delta авиакомпаниясының лайнерінің бортында 282 жолаушы мен экипаждың 10 мүшесі және 2 пилот болған. Олардың бәрі эвакуацияланды. «Эйрбас» ұшағының бір моторы Орландодан Атлантаға ұшайын деп тұрғанда жана бастады. Сондықтан дереу әуе сапарын доғару туралы шешім қабылданған. Құзырлы органдар оқиғаның жай-жапсарын анықтау үшін тергеуді бастады.

Арыстан Рысбек