Қазақстан мен Түркия Парламенттері ынтымақты арттырады

Қазақстан Парламенті мен Түркияның Ұлы Ұлттық Мәжілісі екі елдің ынтымақтастығын арттыратын бастамаларды заңдық тұрғыдан қамтамасыз етіп тұрады. Ерлан Қошанов Түркияға ресми сапары кезінде осылай деді. Қазақстандық делегация бауырлас елдің Парламент басшылығымен кездесіп, екі ел арасындағы стратегиялық әріптестік пен парламентаралық қарым-қатынасты дамыту мәселелерін талқылады. Сондай-ақ тараптар сауда-экономика, ауыл шаруашылығы, әскери-техникалық саладағы серіктестік мәселелерін де ортаға салды. Мәдени-гуманитарлық қатынасты тереңдету жайы да айтылды.

 Ерлан Қошанов, ҚР Парламенті Мәжілісінің төрағасы:

Мемлекеттеріміздің арасындағы қарым-қатынас ерекше жақын дер едім. Бұл жақындығымызды екі ел көшбасшылары арасындағы бауырлық байланыстан-ақ аңғаруға болады. Әр кездесуі ынтымақтастықты тереңдетуге зор серпін береді. Дәл осындай достық қарым-қатынас Парламент деңгейінде де қалыптасты. Алда біз өз тарапымыздан екі ел басшыларының уағдаластықтарын заңнамалық тұрғыда жүзеге асырамыз.

Оңғар Алпысбайұлы