Жаңалықтарды Telegram арнамыздан оқыңыз!Ресейдің Жоғарғы соты «Талибанды» террористік ұйымдар тізімінен шығарды. Естеріңізге сала кетсек, тәліптер ауған билігін 2021 жылы тамызда елден АҚШ әскері бей-берекетсіз шығарылғаннан кейін басып алды. Ал Ресей бұл қозғалыспен біртіндеп қатынас орнатып, оны тіпті лаңкестікпен күресте одақтас деп атады. Әрі Кремль Ауғанстанның стратегиялық орналасқан жерін ескеріп, онымен сауда, іскерлік, инвестициялық байланыстарды нығайтпақ. Сонымен қатар, Ресей Таяу Шығыстағы радикалдық қарулы топтармен және есірткі тасымалымен күресте де «Талибанмен» бірлесіп жұмыс істеуге мүдделі екенін мәлімдеді. Мәскеу тәліптерді 2003жылы лаңкестік топтар қатарына қосты. Оларды бұл тізімнен шығару туралы шешім өткен тәулікте күшіне енген.
Арай Төлегенқызы
