Трамп әлемдік саудаға тағы салық енгізбек

Дональд Трамп Америка экономикасы мен әлемдік саудаға тағы соққы бермек. АҚШ президенті енді елге сауда кемелерін кіргізуге салық салайын деп жатыр. Бұл – Американың Қытаймен бәсекеде жеңіліп қалған кеме жасау өнеркәсібін жаңғыртуға бағытталған шара. Сонымен бірге бюджетке кіріс тартудың көзі. Жаңа ереже Пасха мерекесіне дейін жариялануы мүмкін. Бұл жолы Трамп тарифті енгізбес бұрын елдің кәсіпкерлерімен кеңесіп алуды жөн көрген. Америка лидерінің пікірінше, жергілікті кеме жасау зауыттары құлдырап, елде теңізшілер аз қалуы қауіпсіздікке нұқсан келтіреді.

Арай Төлегенқызы