Ақша айырбастау пункттерінде ескі үлгідегі долларға қатысты қиындық туындады

Ақша айырбастау пункттерінде ескі үлгідегі долларға қатысты қиындық туындап жатыр. Тұтынушылар тарапынан жаңа үлгідегі банкноттарды сұрайтындар саны артқан. Себебі ескіргенін валютаны қабылдамайтын елдер көбейіпті. Ал айырбастау орындары ескі долларларды қабылдағанымен, оларды қайта сату қиынға соғып жатқан көрінеді.

Ұлттық банк болса, айырбастау пункттері екінші деңгейлі банктерге ескі долларды еш қиындықсыз сата алатынын әрі олар жаңасына айырбасталатынын айтады. Мысалы, наурызға дейін Қазақстаннан 80 миллиондай ескі үлгідегі доллар шығарылған. Яғни, алаңдауға негіз жоқ. Сондай-ақ ескісін айырбастау кезінде тұтынушыдан комиссия алынбайды.

Серік Жұмабек