Жаңалықтарды Telegram арнамыздан оқыңыз!Абай облысы Аягөз ауданындағы Ақшәулі ауылында іздеу жұмыстары тоқтатылды. Түс ауа өзенге ағып кеткен үшінші адамның денесі табылды. Кеше Ақшәулі ауылындағы Көк-Кәмір қыстағына мал іздеп шыққан үш тұрғын аспалы көпірден өтпек болып суға батып кеткен. Куәгерлердің айтуынша, қыстаққа апаратын ескі көпір ағынға шыдамай опырылып сынған. Құтқарушылар бір тәулік бойы өзен маңын шолып, әуелі екі адамның денесін алып шықты. Артынша үшінші тұрғынның мәйіті оқиға орнынан 2 шақырым жерден табылды. Ал ауыр салмаққа шыдамай құлаған өткелді шаруа қожалығы өз бетімен құрып алған. Жергілікті әкімшіліктің қарауында болмаған дейді мамандар.
Асхат Ибраев, Аягөз аудандық ТҮКШ бөлімінің басшысы:
Сол маңда орналасқан қыстақ жолды қысқарту мақсатында қолдан жасап алған. Өткелдің әкімшілік не басқа тұлғалардың теңгерімінде жоқ. Ешкімнің иелігінде емес екендігін хабарлаймын.
Ержан Жақып
