Алматы облысында балабақша бүлдіршіндері шатырға шығып кеткен

Алматы облысы Қарасай ауданында балабақша тәрбиеленушілері терезеден шығып, ғимараттың шатырына шыққан. Бүлдіршіндер нысанның үшінші қабатындағы терезеден еш кедергісіз сыртқа өтіп, шатырда әрі-бері жүрген. Абырой болғанда балалар дін аман. Болған жайтқа байланысты балаларға салғырт қараған тәрбиешінің көмекшісі жұмыстан босатылды. Терезелерге арнайы қорғаныс торлары орнатылды.

Меруерт Морякова, облыстық ПД ресми өкілі:

Полиция қызметкерлері балалардың қауіпсіздігін қамтамасыз ету талаптарын бұзғаны үшін мектепке дейінгі мекеме меңгерушісін әкімшілік жауапкершілікке тартты. Аталған факт бойынша қызметтік тексеріс жүргізілуде, материалдар уәкілетті органдарға жолданды.

Айдана Қуантхан