Ақтөбе облысында 30-ға жуық полицей қылмыстық жауапкершілікке тартылған

Ақтөбе облысында соңғы екі жылда сыбайлас жемқорлық және алаяқтық деректер бойынша 30-ға жуық полицей қылмыстық жауапкершілікке тартылған.

Сондықтан Сыбайлас жемқорлыққа қарсы қызмет департаментінің мамандары болашақ құқық қорғаушылармен кездесіп, алдын алу жұмыстарын жүргізіп жатыр. Бүгін агенттік өкілдері Ішкі істер министрлігіне қарасты Ақтөбе заң институтының курсанттарына заң мен тәртіп қағидаларын, сыбайлас жемқорлыққа жол бермеу қажеттігін түсіндірді. Шараға алғашқы дайындық тобының тыңдаушылары да қатысты.

Нұрболат Махмұтов, Сыбайлас жемқорлыққа қарсы қызметтің облыс бойынша департаментінің бас маманы:

Сыбайлас жемқорлыққа қарсы қызмет істері агенттігі Ішкі істер министрлігімен бірлесіп, жоспар бойынша осындай шаралар жиі болып тұрады. Осындай шаралар бүкіл полиция департаментінің аудандық бөлімшелерінде жүргізіледі.

Жақсыбек Кемал