Батыс Қазақстан облысында сессияға дайындық пысықталды

Қазақ елін мекен еткен этностарды ұйыстырып, ел бірлігін сақтау жолында Қазақстан халқы Ассамблеясының үлесі зор. Оралда Ассамблеяның 30 жылдығына орай өткен кеңейтілген кеңесте осындай ой айтылды. Басқосуда этносаралық қатынасты дамыту, бірлік пен келісімді нығайту жолында қол жеткізген жетістіктер сөз болды. Алда өтетін Қазақстан халқы Ассамблеясының 34-ші сессиясының шешімдерін орындау мақсатында облыста арнайы 13 жоба іске асып жатыр. Мәселен, облыстық мәслихат жанынан «Ынтымақ» депутаттар тобы құрылып, қайырымдылық акциялар қолға алынған.

 Нұрғали Жолдасқалиев, облыстық Қоғамдық келісім мекемесінің басшысы:

Биыл делегация 41 адамды құрайды. Оның 31-і - облыстық Қазақстан халқы Ассамблеясының мүшелері болса, 10 адам шақырылған қонақтар. Бүгін, міне, кеңейтілген кеңесте осы сессияға дейінгі мәселелерді талқылап, қабылдадық. Жалпы 30 жылдық аясындағы шараларымыз жалғаса беретін болады.

Ардақ Мұратқызы