Жаңалықтарды Telegram арнамыздан оқыңыз!Батыс Қазақстан облысында өңірлік кадр резервінің мүшелеріне заңнамадағы өзгерістер түсіндірілді. Бүгінде резервте 30 жас бар. Олардың дені ауыл-аймақта мемлекеттік қызметте еңбек етіп жүр. Кездесуде резервшілерді жұмысқа орналастыру, мансап бойынша көтерілу мәселелері талқыланды. Жастарға алдымен ауыл-аймақта жұмыс істеудің маңызы айтылды. Өйткені шешім шығарарда қызметкердің еңбек жолы ескеріледі әрі білікті маманның мемлекеттік басқару жүйесі төменнен бастап қалай жұмыс істейтінін білгені абзал.
Мұрат Байсалов, Мемлекеттік қызмет істері агенттігі облыстық департаментінің басшысы:
Бізде өңірлік резервте 40% резервке қабылданған сәттен бастап лауазымға конкурссыз тағайындалуға мүмкіндік алды және аудандық деңгейдегі бос лауазымдар бойынша оларды орналастыру мәселесін талқылап шықтық.
Ардақ Мұратқызы
