Түркістан облысында мұғалім даун диагнозы бар балаға қол жұмсаған

Түркістан облысында даун синдромы бар баланы мұғалімі аяғынан сүйреп, ұрған.

Бұл жәйт Сарыағаш қаласындағы «Ақылды бала» коррекциялық орталығында болғаны анықталды. Ерекше күтімді қажет ететін 13 жастағы баланың даун диагнозы бар екенін біле тұра, мұғалімі қол жұмсаған. Бұрышқа апарып, таяқпен ұрған деген күдік те бар. Сабақ үстінде болған бұл жағдай бейнебақылау камерасына түсіп қалыпты. Ұлын сабақтан алып кетуге барғанда ол анасына мұғалімдер ұрғанын айтқан. Бұл жәйтке қатысты өңірдің полицейлері бүгін қылмыстық іс қозғалғанын хабарлады. Қылмыстық кодекстің 140-бабымен тергеу басталды.

Айнұр Ақбаева