Отандық әндер әлеуметтік желілерге орала бастады

Енді отандық әндер Instagram мен Facebook платформаларында қайта қолжетімді. Әділет министрлігінің мұрындық болуымен «Қазақстандық авторлық қоғам» мен Meta компаниясы арасында екі жылдық жаңа келісімге қол қойылды. Бұл туралы Орталық коммуникациялар алаңында айтылды. Былтыр қарашада келісім мерзімі аяқталғандықтан отандық әндер әлеуметтік желі қолданушыларына қолжетімсіз болған еді.

Талғат Уәли, Әділет министрлігінің ресми өкілі: 

Өткен аптадан бастап өздеріңіз көріп отырғандай әлеуметтік желілерде отандық шоу-бизнес өкілдерінің, отандық авторлардың өнер туындылары біртіндеп орала бастады. Бұл келісім алдағы екі жыл шеңберінде бекітіліп отыр. Алдағы уақытта да бұл мәселеге үлкен көңіл бөлінетін болады.

Темірлан Нұрсолтан