Испанияда Лансароте аралын топан су басты

Испанияда Лансароте аралын топан су басты. Синоптиктердің дерегінше, мұнда сенбі күні төпелеп екі сағат бойы толассыз жауын құйған. Содан кейін алапат тасқын басталды. Жергілікті ақпарат құралдарының хабарлауынша, табиғи апатқа байланысты аралда төтенше жағдай жарияланды.

Әзірге құрбандар немесе жараланғандар туралы мәлімет түскен жоқ. Бірақ апаттармен күрес қызметінің мәлімдеуінше, бірталай үй мен автокөлікті судың ортасында қалды.

Арыстан Рысбек