Жаңалықтарды Telegram арнамыздан оқыңыз!Биыл Шығыс Қазақстан облысында көктемде кене ерте тірілді. Өңірде соңғы бір аптада сексенге жуық адам зиянкестен зардап шеккен. Оларға кене уына қарсы иммуноглобулин егілді. Таулы аймақтарда қар әлі толық ерімесе де, оңтүстік аудандарда күндіз 18-20 градусқа дейін жылынды. Ал облыстық санитарлық эпидемиологиялық департамент мамандары кене тектес зиянкес жәндіктер 3-5 градус жылылық пен ылғал болса тіріле беретінін айтады. Негізі кене шығыста мамыр мен маусым айында көбейеді. Бүгінге дейін өңірде кене энцефалитіне шалдыққан науқастар тіркелген жоқ.
Сәуле Сләмғазина, ШҚО санэпидемиологиялық бақылау департаменті басшысының орынбасары:
Бүгінгі күні кене шаққан адамдар тіркелді. Бірақ инфекция тіркелген жоқ. Шығыс Қазақстан облысында иммуноглобулин барлық медициналық мекемеде жеткілікті. Егу кабинеттер аудандарда жұмыс істеп тұр.
Олжас Керейхан
