Трамп Сумыға жасалған соққыны «қателік» деп сипаттады

Ресей әскері Украинаның Сумы қаласының орталығына екі баллистикалық зымыранмен соққы берді. Соңғы мәліметке қарағанда, 34 адам қаза тауып, 117-сі жараланған. Құрбандардың ішінде екі бала бар. Оқиғадан кейін президент Владимир Зеленский мәлімдеме жасап, халықаралық қауымдастықтан Мәскеудің шабуылына қатаң жауап беруді талап етті. Сонымен қатар ракеталық соққыны Ұлыбритания, Германия, Италия айыптады. Кремль әзірге түсініктеме берген жоқ. Ал АҚШ президенті Дональд Трамп Сумыға жасалған соққыны «қателік» деп сипаттаған.

Дональд Трамп, АҚШ президенті:

О, меніңше, бұл - жантүршіктірер оқиға. Бірақ қателік жасалғаны айтылды. Бірақ сонда да бұл сұмдық жағдай. Қорқынышты соғыс. Оны билікті асыра пайдаланғандар бастады. Егер мен президент болсам сол кезде, бұл елде соғысқа жол берілмес еді.

Арыстан Рысбек