Қазгидромет: Төрт облыста үсік жүруі ықтимал

Бүгін ел аумағының басым бөлігінде құбылмалы ауа райы сақталады. Қазгидрометтің мәліметінше, оңтүстік-шығыста және түнде орталықта, сол сияқты солтүстікте де қатты жауын-шашын болады. Жел күшейіп, тұман түседі. Күндіз Жетісу облысының Алакөл ауданында жел екпіні секундына 30 метрге дейін жетеді. Ал түнде Ақмола, Қостанай, Солтүстік Қазақстан, Ақтөбе облыстарының кей аумақтарында үсік жүруі мүмкін.

Темірлан Нұрсолтан