Жаңалықтарды Telegram арнамыздан оқыңыз!Биыл 3 айдың ішінде тыйым салынған заттарды сақтауға және таратуға қатысы бар деген күдікпен 23 жасөспірім ұсталған. Олар 9-11 сынып оқушылары мен колледж студенттері. Заңға сай, мұндай қылмыс үшін бас бостандығынан айыру жазасы көзделген. Кәмелетке толмағандарды есірткінің айналымына тарту фактілерінің жалғасуына байланысты Ішкі істер министрлігі азаматтарға ескерту жасады.
Қуандық Әлжанов, ҚР ІІМ Есірткі қылмысына қарсы іс-қимыл комитеті төрағасының орынбасары:
Құрметті ата-аналар! Сіздерді балаларыңыздың араласатын ортасына және олардың бос уақытында не істейтініне ерекше назар аударуға шақырамыз. Қауіптің алдын алу маңызды. Балалардың болашағы біздің қолымызда. Тек бірлесіп қана біз есірткісіз қауіпсіз қоғамды құра аламыз.
Темірлан Нұрсолтан
