Жаңалықтарды Telegram арнамыздан оқыңыз!Ол мозаика мен витраж жасау ісінде жетекші шеберлердің бірі болды. Көрнекті монументалды өнер иесі Михаил Антонюк туралы сала мамандары осылай дейді. Бүгін елордадағы Ұлттық музейде шығармашыл тұлғаның 90 жылдығына арналған көрме ашылды. Экспозицияда Антонюктің ұлттық нақыштағы, дала халқының тарихы мен мәдениетін бейнелейтін мозаика, витраж және картиналары қойылған. Көрме 11 маусымға дейін ашық болады.
Саялбек Ғиззатов, ҚР Ұлттық музейінің ғылыми хатшысы:
Михаил Антонюк Украинада дүниеге келгенімен, саналы ғұмырын Қазақстанға арнаған. Қазақстанның мәдениетін, тарихын зерттеп, шығармаларын осы тақырыптарға арнап салған. Бұл көрмеге суретшінің жүзден астам картиналары, туындылары қойылып отыр. Елорда тұрғындары, қонақтары, сонымен қатар шетелдік туристер келіп, Михаил Антонюктің көрмесімен жақынырақ таныса алады.
Серік Жұмабек
