Жаңалықтарды Telegram арнамыздан оқыңыз!Түркияның Ыстанбұл қаласында АҚШ пен Ресей делегаттары арасында келіссөз өтті. 6 сағатқа созылған жиында екі ел арасындағы дипломатиялық қатынастарды қалпына келтіру мәселесі талқыланған. Украинадағы соғысты тоқтату тақырыбы мүлдем қозғалған жоқ. Мұны Ресей президентінің баспасөз хатшысы Дмитрий Песков мәлімдеді. Ресей тарапы АҚШ-та тәркіленген дипломатиялық мүлікті тезірек қайтару қажеттігін айтқан. Қос мемлекет арасындағы қатынастарды реттеуге бағытталған алғашқы келіссөз Сауд Арабиясында ақпанда өтті. Сол басқосуда тараптар Украинадағы әскери қақтығысты реттеу мәселесін де талқылаған еді.
Арай Төлегенқызы
