Сарапшы: Жаңа Су кодексі саладағы мәселелерді толық шешеді

Жаңа Су кодексі су саласында қордаланған мәселелерді түбегейлі шешуге мүмкіндік береді. Сарапшылар пікірі осындай. Бұған дейін қабылданған құжат негізінен саланың экономикалық жағына басымдық берсе, жаңа құжатта климаттың өзгеруіне бейімделу және суды сақтау мен оны тиімді пайдалану тетіктері де енгізілген. Бұл негізгі артықшылық дейді мамандар.

Бағдат Рүстемов, ҚР Су ресурстары және ирригация министрлігі Су саясаты департаментінің бас сарапшысы:

Жаңа Су кодексі бірқатар өзгерістерді және жаңашылдықтарды көздеп отыр. Су саласындағы заң бұзушылықтарды толыққанды алдын алуға және қара нарықты болдырмауға, одан бөлек суды тиімді пайдалануға және елдімекендердегі сулардың сапасына, одан бөлек елдімекендерді сумен толық қамтамасыз етуге, сондай-ақ ауылшаруашылығы мақсатындағы жерлерді суару мәселелері де осы кодекспен қарастырылатын болады.

Серік Жұмабек