Атырауда Президент 3 жастағы балақайға алғысын білдірді

Президент Қасым-Жомарт Тоқаев атыраулық үш жасар балақайға алғысын білдірді. 3 жастағы Дінмұхаммед Жұмажанның Ораза айт мерекесінен кейін шашылған қоқыстарды жинаған бейнежазбасы көпшілікті сүйсіндірген еді. Осыдан соң облыс әкімі Серік Шәпкенов бүлдіршінмен арнайы кездесіп, «Таза Қазақстан бастамасы уақытша іс-шара ғана емес, әр азаматтың өмір салты болуы қажеттігін көрсетеді»,- деп Мемлекет басшысының арнайы алғыс хатымен марапаттады. Сондай-ақ естелікке велосипед сыйға тартып, ата-анасына да алғысын жеткізді.

Нұрсұлтан Нұрсейіт