Павлодар облысында шалғай ауылдарда ауыз су тарифі арзандады

Павлодар облысындағы топтық су құбырлары арқылы тұрғындарды ауызсумен қамтып отырған аудандар бірнеше жыл тұтынушылардан артық ақша жинаған. Бұны облыстық прокуратура анықтады. Мәселе былай, шалғай елді-мекендерді қолжетімді ауыз сумен қамту үшін Үкімет тарапынан субсидия бөлінеді. Жергілікті мәслихаттар осыны ескермей тарифті бекітіп жіберген. Осылайша 45 мыңнан аса халқы бар ауылдарда ауызсу бағасы қаладағыдан да қымбатқа түскен.

Ерлан Салханов, облыстық табиғат қорғау прокуроры:

Мәслихат жаңа шешім қабылдады. Соған сәйкес ауызсудың бір текше метрі 185 теңге болып бекітілді. Бұл бұған дейінгі тарифке қарағанда 30 пайызға арзан.