ІІМ азаматтарға ескерту жасады

Шет елдердегі қарулы қақтығыстарға қатысқан қазақстандықтар жазаланады. Ішкі істер министрлігінің өкілдері азаматтарға сақтық танытып, теріс бағыттағы ақпараттардың жетегінде кетпеу керектігін ескертті. Өйткені соңғы уақытта әлеуметтік желілерде басқа мемлекеттердің қарулы күштерімен келісімшарт жасауға шақыратын жарнамалық материалдар мен бейнероликтер таралып жатыр. Айта кетейік, Қылмыстық кодекс бойынша, Қазақстан азаматтары шетелдегі қарулы қақтығыстарға заңсыз қатысса, 5 жылдан 9 жылға дейін бас бостандығынан айырылмақ. Ал ақша үшін қолға қару алу фактісі бойынша 7 жылдан, тіпті өмір бойына бас бостандығынан айырылуы ықтимал. 

Азамат Бейбітұлы