Өскеменде «Көктем әуені» сенбілігі ұйымдастырылды

«Көктем әуені». Осындай атаумен Өскеменде сенбілік ұйымдастырылды. «Таза Қазақстан» акциясына қаладағы жастар ұйымы мен эко белсенділер қатысты. Олар Өскемендегі орталық көшелерді қоқыстан тазартты. Экологиялық даму орталығының мүшелері қала тұрғындарын әр күн сайын болатын сенбілікке қатысуға шақырды. Өйткені қар кетіп, жер енді кебе бастады. Сондықтан әр үйдің тұрғыны, ұжым мен кәсіпорын қызметкерлері өз ауласын тазартуға міндетті.

Әділ Тұрғанбаев, колледж оқытушысы:

Жалпы, адам баласы жүргеннен бастап, киген киімінен бастап, таза болуы керек қой. Сондықтан жүрген жерімізді, жұмыс істейтін жерімізді, үйдің маңайын - бәрін таза ұстау деген өте керемет дүние. Бұл да бір дамып келе жатқан Қазақстанымызға қосқан бір үлес деп есептеймін.