Бүгін – Дүниежүзілік денсаулық күні

ДДCҰ 2025 жылды «Аналар мен жаңа туған нәрестелердің денсаулығын сақтау» жылы деп жариялады. Осыған орай бүгін Астанада Дүниежүзілік денсаулық күніне орай және Түркі мемлекеттер ұйымына қатысушы елдердің Денсаулық сақтау министрлерінің V кездесуіне арналған жаппай жарыс өтті. Шараға сала қызметкерлері, студенттер мен олимпиада чемпиондары және белсенді қала тұрғындары қатысты. Олар 1,5 шақырым жол жүгіріп өтті. Жарыс қорытындысы бойынша үздіктер марапатталып, бағалы сыйлықтар табысталды.

Ақмарал Әлназарова, Денсаулық сақтау министрі:

Бүгінгі күніміздің ерекшелігі – 5 Түркі мемлекетінің Денсаулық сақтау министрлері осы Астанада бас қосып жатыр. Биылғы жылы ДДСҰ әр жылдың өзінің тақырыбын белгілейді. Биылғы жылдың тақырыбы - ана мен бала денсаулығы. Ана мен балалар денсаулығын қорғау, тиісті проблемаларды шешу жолдарын қарастыру. Сондықтан биылғы жыл біз үшін де тақырып аясында тиісті жұмыстар жоспарланып отыр.

Серік Жұмабек