Елордадағы бокс кешінен кейін еріктілер аренадағы қоқысты жинады

Елордада да кәсіпқой бокс кеші аяқталған соң еріктілер спорт кешенінде қалған қоқыстарды жинастырды. «Таза Қазақстан» науқаны аясында 100-ге жуық волонтер қоғамдық орынның тазалығын сақтауға атсалысты. Жаңа буын өкілдерінің бұл әрекеті өзгеге үлгі дейді, ұйымдастырушылар.

Олжас Амангелді, ұйымдастырушы:

Көрермендер отырған жерде қоқыстан тазартуға көмектесу. Оның басты мақсаты – қала тұрғындарына үлгі ретінде көрсету. Біздің жастар осы «Таза Қазақстан» деп қоқыс жинап жүр деген сияқты. Әр адамға таза ұстау, таза жүру, қоқыс лақтырмау деген сияқты мотивация беру.

Жақия Қажымұрат, ерікті:

Мен ринг су болған кезде соны сүртіп жүрдім. Боксшыларға көмектестім. Волонтер болып жүргеніме бір жарым жылдай болды. Өзіме ұнайды. Қоқыс көп, біз волонтерміз ғой енді. Осылай жүреміз. 

Темірлан Нұрсолтанов