Павлодар облысында көлік иелері салықтың 40% төлемеген

Павлодар облысында көлік салығының 60 пайызы ғана жиналды. Берешегі барлардың кейбірі гаражына 5,6 көлікті тізіп қойған. Мәселен, бүгінгі күні аймақта 142 мың адам 200 мыңнан аса автокөлік тіркепті. Егер олар мамыр айына дейін салықтық берешегін жаппаса, іс сот орындаушыларына тапсырылады. Ол жағдайда салықтық үстемемен қоса сот шешімін орындаушылардың жұмысына қосымша 25 пайыз төлейді.

Миргүл Мәжімова, Павлодар облыстық кіріс департаментінің бас маманы:

2024 жылы көлік салығы 3 млрд 470 млн теңгеден астам есептелді. Бүгінгі таңда оның 2 млрд 700 млн теңгеден астамы төленді. 2 сәуірден бастап салықты төлемеген азаматтарға берешегі бар туралы хабарлама жолданды. Хабарламаны 30 жұмыс күні ішінде орындау қажет. Яғни, салығын төлеуі қажет.

Болат Аманбаев