Жаңалықтарды Telegram арнамыздан оқыңыз!Оңтүстік Корея Конституциялық соты президент Юн Сок Ёлге жарияланған импичментті күшінде қалдырып, енді ол бұл лауазымды мүлде атқармайды деп шешім шығарды. Жеті судьядан тұратын қазылар алқасының мәлімдеуінше, Юн былтыр желтоқсанда елде әскери жағдай жариялай отырып, Конституцияны және заң үстемдігі мен демократия қағидаттарын бұзған. Алайда Юнның адвокаттары президентке қатысты сот процесі «заңсыз әрі әділетсіз» өтті есептейді. Ел конституциясына сәйкес, Оңтүстік Кореяда мемлекет басшысы қызметінен аластатылған жағдайда жаңа президент сайлауы алдағы 60 күн ішінде өтуі керек. «Рейтер» агенттігі хабарлағандай, Юн үмітін ақтай алмағаны үшін ел азаматтарынан кешірім сұраған.
Арыстан Рысбек
