Президент сирек металдарды зерттейтін аймақтық орталық құруды ұсынды

Президент Өзбекстанның Самарқанд қаласында өтіп жатқан «Орталық Азия – Еуропалық одақ» саммитінде сирек металдарды зерттейтін аймақтық орталық құруды ұсынды. Бүгінде Қазақстанда Еуропа Одағы экономикасына қажетті 34 шикізаттың 19 түрі өндіріледі. Жалпы екі тараптың сауда айналымы қарқынды дамып келеді. Президент энергетика, ІТ, жасанды интеллект, логистика саласындағы ынтымақтастықты дамытуға дайын екенімізді жеткізді. Жалпы қазір жаһан елдерінің Орталық Азияға қызығушылығы артып, әлемдік аренадағы беделі өсіп келеді. Сондықтан 5 ел бұл мүмкіндікті барынша тиімді пайдалануымыз керек дейді сарапшылар.

Жанат Момынқұлов, саясаттанушы:

Орталық Азиядағы энергетикалық ресурстар, критикалық металдар, сирек кездесетін металдар қоры, сутек сияқты энергетикалық жаңа қуат көздері Орталық Азияға бүкіл әлем назарын аударып отыр. Осы жағдайда Қазақстан көшбасшы ел ретінде белсенді.

Оңғар Алпысбайұлы