Жаңалықтарды Telegram арнамыздан оқыңыз!Ақмола облысында мектеп тапшы. Сенатор Талғат Жүнісов өзінің депутаттық сауалында осы мәселені көтерді. Депутат келтірген мәліметке сәйкес, Көкшетау, Щучинск, Аршалы, Шортанды елдімекендерінде мектепке сұраныс жоғары. Осыған байланысты Талғат Жүнісов сауалын Премьер-министрге жолдап, республикалық бюджеттен қаржы қарастыруды сұрады. Астана іргесіндегі Қосшы қаласына да білім ордасын салу кезек күттірмейтін мәселе. Себебі Қосшыда халық саны күн санап өсіп жатыр, деді депутат.
Талғат Жүнісов, ҚР Парламенті Сенатының депутаты:
Қосшы қаласы бойынша оқушы санының жыл сайын 1300 дейін өсуіне байланысты 1500 орындық мектеп салу қажеттілігі бар. Қосшыда 8 жалпы білім беретін мектеп, оның ішінде 1 дара мектебі жұмыс істейді. Барлық мектептің жалпы жобалық қуаты 7260 орын. Ал оқушылар континенті 12 010 баланы құрайды.
Самал Қабышева
