Жаңалықтарды Telegram арнамыздан оқыңыз!Цифрлық теңге арқылы бюджет қаржысын бақылау күшейтіледі. Бұл қазынадағы қаражатты тиімді пайдалануға мүмкіндік бермек. Бүгін Премьер-министр Олжас Бектенов экономиканы цифрлық трансформациялау жөнінде кеңес өткізді. Жиынға Ұлттық банк басшысы, Сыбайлас жемқорлыққа қарсы іс-қимыл агенттігі төрағасы және басқа да сарапшылар қатысты.
Қазір 250 млрд теңге цифрлық айналымда тұр. Сондай-ақ кей өңірдегі шаруа қожалықтарына қаржы қолма-қол емес, онлайн үлестірілген. Үкімет басшысы осы схеманы кеңінен енгізу қаржы жүйесін оңтайландыруға, қазынадағы ақшаның ашық жұмсалуын қамтамасыз етуге ықпал ететінін атап өтті. Сондықтан жаңа цифрлық құралдарды қолдануды реттейтін заңнамаға түзетулер әзірлеуді тапсырды.
Бинұр Жәленов, Ұлттық банк төрағасының кеңесшісі:
Цифрлық теңге бұл ұлттық валютаның үшінші түрі. Біз қазір бұл жүйені «Ауыл аманаты» бағдарламасына енгіздік. Өз нәтижесін беріп жатыр. Енді мұны әлеуметтік салаға да қолдансақ болады. Мысалға мектепте оқушы биометриялық тексерістен өтсе ғана асхана иесіне ақша аударылады. Солай біз баланың нақты тамақтанғанын әлде тамақтанбағанын біле аламыз.
Ернұр Медет
