Қосшы қаласында «Таза Қазақстан» акциясы өтті

«Адал адам – Адал еңбек – Адал табыс». Қосшы қаласында «Таза Қазақстан» акциясы аясында экологиялық сенбілік өтті. Тазалық жұмыстары қала халқы тығыз шоғырланған «Лесная поляна» тұрғын үй алабынан бастау алды. Тазалық жұмыстарына 10-нан астам ауыр техника мен 200-ге жуық сайман жұмылдырылған. Акцияға қатысушы жастардың айтуынша, дәл осындай экологиялық акциялар қала тұрғындарының белсенділігін арттырып, өскелең ұрпақты бір мүддеге біріктіреді.

Мөлдір Маратқызы, Жастар ресурстық орталығының басшысы:

Ол қаламыздың тазалығына өте қажет жоба. Бүгінгі акцияға 30 жас қатысып отыр. Бізге тіркелген волонтерлар өз еркімен келеді. Қалай хабарласақ, солай өздері келеді, бәрі белсенді.