Жаңалықтарды Telegram арнамыздан оқыңыз!Папилломаға қарсы екпенің екінші кезеңі басталды. Вакцина 11-15 жастағы қыздарға салынады. Талапқа сәйкес екпе екі кезеңнен тұрады. Яғни алғашқы дозаны алғандар 6 айдан кейін екіншісін қабылдайды. Бірінші кезеңде вакцина 130 мыңға жуық қыз балаға салынған. Екпе жатыр мойны обырының алдын алады. Елімізде дәл осы дерт әйелдер арасында дендеп тұр. Онкологиялық ауру ішінде сүт безінің қатерлі ісігі бірінші орында болса, жатыр мойыны екінші орында тұр. Оның негізгі қоздырғышы папиллома вирусы екені ғылыммен дәлелденген. Екпе тек ата-ана рұқсатымен ерікті түрде салынады. Ал папиллома вирусы адамдарға қандай жолмен жұғатынын мамандар былай түсіндірді.
Манар Смағұл, ДСМ қоғамдық денсаулық сақтау орталығы басқарма төрағасының орынбасары:
Ол тығыз қарым-қатынас. Біріншіден, жыныс арқылы жұғады. Екіншіден, бассейнге, саунаға барғанда, терімен-тері егер де қатынас болса, оның жұғуы жоғары. Ал статистикаға қайтадан жүгінсек, 22-23 жасқа дейін 80 пайыз адамда бұл вирус ағзада болады.
Самал Қабышева
